今年既新年過得特別平淡..都冇咩點去玩! 只係買左好多新居既野! 新居將會係今個月尾入伙,希望到時順利啦!  呢2日我地買左沙發, 飯枱~YEAH~

婆婆終於係12月29日過左身啦, 我居然冇咩點喊到! 可能係因為我已經有晒心理準備!就當佢去左好遠好遠既地方繼續享福! 只係我地以後都唔可以再見面者! 點都好,希望佢得到安息啦!

呢2日男主腳買左部NOTEBOOK同埋電話俾我呀.好開心..多謝晒男主腳!

買NOTEBOOK係因為我地係新屋想一人一腦.但係又唔想放多部DESKTOP..而我本身部PC就會留返俾細妹用返!

而買電話就係因為我部MOBILE壞左啦, 咁所有唯有拿拿聲買返.如果唔係就會冇電話用架啦!

 最近, 又的起心肝, 諗住跟亞maggie學三堂基本化妝,如果到時自己再有興趣的話, 就會學埋新娘化妝~~哈哈, 咁大個先來學呢d野..不過我成日都係咁, 今年夏天,先開始正式學游水!! (但係因為太忙,所以只學左几堂,出年要再學先得)!

應成左大家upload d 結婚當日既相, 最後都只係upload到facebook度,如果大家有facebook而又想睇的話, 就話我知 or 俾你facebook的address給我, 我會add你...

唔知點解, 自己又走左去yahoo開左個新blog, hehe~~ 朋友仔,你地得閒都可以來探下我架!

http://hk.myblog.yahoo.com/celiasy01/

 最近,  係鄉下的婆婆, 開始捱唔住病魔帶來既折磨..佢唔想再食野, 想快d走~身為佢既家人, 雖唔想佢咁快離開, 但係見到佢咁痛苦, 心里面真係好矛盾!!點都好,希望婆婆佢走得安樂d, 我會永遠懷念佢架!!

呢排花左好多時間去攪新屋既野~~都冇咩時間follow返結完婚既野

amazing grace既相都拿左~過几日再upload埋先~

(閱讀全文)

 要睇相既朋友請到呢度, password: yap

http://www.fotop.net/ksdown/20071103ca?page=1 

HONEYMOON既相過多2日先SHARE給大家啦

一大清早, D工作人員同姐妹都來晒我屋企化妝同準備要玩兄弟既道具,而新郎哥也係8.30AM準時上來俾D姐妹玩, 而當時既我係房度听到佢地玩得好開心呀! 可惜我唔可以睇到,唯有到時等睇VEDIO啦...

玩完GAME就係女家針茶啦, 成個過程好順利,咁之後就出門係樓下影相再出發到男家!

大約早上11.00AM,到左男家啦, 首先針茶俾6299先,再針給男家印尼親戚,佢地好攪笑,針完要我地錫佢地一啖!

攪完一輪後,D工作人員就去左酒樓食飯,而我地,化妝姐姐,伴郎,伴娘就留係屋企食飯,之後,到大約1.30PM就出發到EDEN啦~~

到左3.00PM,正式簽賣身契啦,好多謝一大堆親戚朋友來睇我註冊呀,好開心~ 我地仲去左香港公園度影相添~~

大約5.00PM,我先返到酒樓轉褂針茶, 席前換左兩套晚裝,影左多相! 之後到進場時,我係門口同二妹影左相, 真好,佢特登來同我影相呢!

而男主腳係敬酒後呃我去TOILET原來係要俾SURPRISE我,佢唱左"你的名字,我的姓氏"我听!仲跪係度問我願唔願意永遠同佢係埋一齊..好感動,攪到我有少少想喊呢~

其實整天的RUNDOWN都好SMOOTH,呢個大PROJECT真係好成功, 呢兩日收到唔少電話都讚我攪呢個婚禮好掂,睇得出我用左好多心机去攪!MC同兄弟姐妹團都好配合大家..D GAME又好玩又有氣氛.有D朋友仲讚我做個片頭做得好好呢~好開心!

等我呢個時候俾分數我揀既SERVICES先:

 玉桃苑: 4分

當晚佢地既SERVICES都OK, 我D姐妹話D WAITER都有禮貌,而TINA & 李生佢地真係好NICE,TINA仲時不時來提點我咩時候要做D咩! 食物方面,暫時問唔到FEEDBACK! 最後我擺左23围,俾左 $800 TIPS,佢地冇再"R"我~

AMAZING GRACE: 5分

佢地由早上8.00AM跟到我地晚上11.00PM, 仲好識攪下氣氛咁,唔錯唔錯!

秋子花球: 5分

好開心,湯生同我做左個AGNES B花款, D朋友都讚靚

化妝姐姐MAGGIE - RED'S BEAUTY: 5分

佢好好人, 好有心机咁同我整D唔同既造型出來, 超好心机又快手!

花車 + VAN - WEALTHY: 4分

好準時, 不過架BENZ唔係之前睇個架,因為EDMUND話個PARTNER因財政出左問題,所以賣左架車啦! 好在呢架都係一樣同埋咁新者!

MC - BONY & TONY: 5分

超好,好識攪氣氛, 帶GAME帶得好好呀,D賓客個個都問我,佢地係朋友 OR 請返來, 因為真係好得,HAHA~

EDEN註冊: HALL 6: 4分

由於當日我係3.00PM註冊, 之後就要到5.00PM先再有人,所以我可以係HALL6影好多相,而大合照就到左樓下影!

婚紗,EG,男禮 - MONALISA:  5分

租左5日3晚, 佢地既SERVICES又好,值得一讚

美華租褂: 5分

唔駛按金, 超讚

姐妹衫: WEDDING CLASSIC:  5分

又平好正~

99衫 & 媽媽衫 - 婚姻蜜語 & 玲瓏: 4分

兩間都OK,而玲瓏D人話係黑店,但係我還衫個時都好順利没有問題

好啦,等我SHARE住D相等大家睇下先~

明天去HONEYMOON啦,返來再SHARE多D相先~

超緊張

仲有最後5個小時我就要起床啦, 一向都知道自己係緊張大師一名, 係呢一個最特別既一個晚上又點會訓得著呢! 我已經係張床度look來look去, look左成個几鐘,都仲未訓到呀,點算~~諗起仲有几個小時就要起身扮靚靚準備做葉太,心情就平覆唔到落來啦!!

 Celia,你要加油呀, 今日你要開開心心,順順利利,就來要出發啦,努力!!

係又時候UPDATE一下自己做左D咩先! 呢個WEEK真係做左好多野!

10月26日,姐妹開會

佢地雖然來自唔同既朋友堆,但係佢地真係好融洽,有左佢地,我相信我既婚禮一定會好順利!

NORNOR & GRACE仲送左兩樣禮物給我,真係好靚! 我好鐘意呀,多謝晒好姐妹~

結婚證書冊,仲有埋個名添!

MICKEY 水晶球

另外,CATHY整既TABLE STAND也整好啦,嘩,係咪好得呢! 我最鐘意紅色&紫色呢2個款..好有喜慶FEEL,多謝晒CATHY!

攪下攪下,好似得返几樣野未做,YEAH!

1. 搵歌 (席前/ 敬酒 /遊戲/ 散席) ->攪掂
2. 席前DVD (諗緊整唔整好) -->唔整,用返鍾愛一生個隻
3. 拿花車公仔出去佈置  -->攪掂
4. 老豆/WING買西裝, 鞋等等 -->攪掂
5. 編Rundown+兄弟姊妹工作表+開會 --> 攪掂
6. 賓客List + sitting plan --> SITTING PLAN整緊
7. 片頭 (自己整緊,但係好似整左好耐咁) -->攪掂
8. 過大禮 (咩都未買) -->攪掂左
9. 派帖  -> 攪掂
10. 買濕星野  -->進行中
11. 做FACIAL + 睇中醫中 -->進行中
12. 下個月要HAIR CUT + 染髮   -->攪掂
13. 開始諗定HONEY MOON行程 --> 報左團去澳洲
14. 預約攝影師,詳細說明結婚拍攝及錄影程序 + 化妝師見面 + MC  --> 攪掂
15. 整水晶甲 -->攪掂
16. 買o急  ->攪掂
17. 同酒樓confirm酒菜 --> 攪掂
18. 同媽媽去FITTING  ---> 攪掂, 11月2日取
19. 同姐妹去FITTING ---> 攪掂, 11月2日取
20. 自己去FINAL FITTING --->10月29日
21. 秋子花球 ---> 揀左牡丹

今朝一起身便到mk做facial,而男主腳就同兄弟們來個lunch meeting~

做完facial已經係大約3.00pm, 我地就去左酒樓試碟,隻成長碟今次播到啦,好開心~我再改少少就大功告成啦!

之後,我地又出發到深水涉maggie度揀飾物啦!

一共係揀左七套飾物, 因為我已經有晒心水想set咩頭同埋我print晒d造型出來..咁所以都好快就攪掂晒啦~

 註冊飾物

march in 飾物

酒樓褂look飾物

席前粉紅色晚裝飾物

席前綠色晚裝飾物

敬酒金色晚裝飾物

送客藍綠晚裝飾物

29號到monalisa fitting啦, 希望係monalisa個度可以借到多d更加靚既頭飾啦 

最後15天啦,今日去左ml, 心思思地揀多左件席前晚裝, 今次呢件深色d既,影相相信會shape好多~依家總共係有4件eg啦~~貪心!

返到屋企,得到一個壞消息,就係身在鄉下既婆婆已經起唔到身,食唔到野啦!我最擔心既事終於來啦,點解係喜事來之前會有d咁既事發生! 婆婆前兩日都仲話希望可以捱到我地結婚完,我同男主腳可以一齊返去送佢一程~ 真係好事多磨..今年真係發生好多野!  我地應該懷住一個咩心情去結婚好, 好矛盾!

等我又再UPDATE下個LIST先:

1. 搵歌 (席前/ 敬酒 /遊戲/ 散席) ->攪掂
2. 席前DVD (諗緊整唔整好) -->唔整,用返鍾愛一生個隻
3. 拿花車公仔出去佈置  -->攪掂
4. 老豆/WING買西裝, 鞋等等 -->攪掂
5. 編Rundown+兄弟姊妹工作表+開會 --> 做緊 , 兄弟10月19日開會,姐妹10月25日開會
6. 賓客List + sitting plan --> 月中先做
7. 片頭 (自己整緊,但係好似整左好耐咁) -->攪掂,要拿去酒樓試下
8. 過大禮 (咩都未買) -->攪掂左
9. 派帖  -> 攪掂
10. 買濕星野  -->進行中
11. 做FACIAL + 睇中醫中 -->進行中
12. 下個月要HAIR CUT + 染髮   -->10月20個一個week做
13. 開始諗定HONEY MOON行程 --> 報左團去澳洲
14. 預約攝影師,詳細說明結婚拍攝及錄影程序 + 化妝師見面 + MC  -->月中做
15. 整水晶甲 -->月尾做
16. 買o急  ->未買
17. 同酒樓confirm酒菜 --> 10月16日7.00PM
18. 同媽媽去FITTING  ---> 10月15日
19. 同姐妹去FITTING ---> 10月25日
20. 自己去FINAL FITTING --->10月29日
21. 秋子花球 ---> 揀左牡丹

攪左年半既婚禮,真係要多謝好多好朋友一直咁支持我, 唔少得既梗要多謝一班係ESD識既朋友仔一路互相幫忙...

AMY, 我既好姐妹, 多謝你幫我整左D咁靚靚既頸練俾D姐妹用!

JANICE, 好多謝你教我整片頭,教我整花花筆,介紹姐妹化妝師俾我,仲送左花辦俾我!!

JANICE教我整的花花, 特別鳴謝JOYCE麼麼送左D花花給我~~THANKS!

其中有兩朵係上年同JOYCE買既,加埋TOTAL有5枝花花筆!

CATHY, 仲有你, 你幫左我好多呀! 幫我整EDEN既地圖, 又幫我整左D靚靚既TABLE STAND!

 MAGGIE, 多謝你,一路上都非常之支持我, 多謝你送給我個音樂介子枕!

 仲要好多謝一班一齊互相支持既ESD網友..識到你地真係好開心...我會記住大家一齊出去BARGAIN野既日子架!!

呢2日開始派帖啦~派給一d未知道我結婚既同事,我居然有點緊張呢~而佢地也好surprise.. 

我真係要努力一點編好個rundown再約d姐妹見面啦, 時間無多, 到月中我仲要去行畢業典禮同埋同朋友仔影相~~ 真係超級忙~~

1. 搵歌 (席前/ 敬酒 /遊戲/ 散席) ->攪掂
2. 席前DVD (諗緊整唔整好) -->唔整,用返鍾愛一生個隻
3. 拿花車公仔出去佈置  -->拿左, 10月8日拿得
4. 老豆/WING買西裝, 鞋等等 -->仲未做
5. 編Rundown+兄弟姊妹工作表+開會 --> 做緊
6. 賓客List + sitting plan --> 月中先做
7. 片頭 (自己整緊,但係好似整左好耐咁) -->完成 95%
8. 過大禮 (咩都未買) -->攪掂左
9. 派帖  ->進行中
10. 買濕星野  -->進行中
11. 做FACIAL + 睇中醫中 -->進行中
12. 下個月要HAIR CUT + 染髮   -->10月20個一個week做
13. 開始諗定HONEY MOON行程 --> confirmed 去澳洲
14. 預約攝影師,詳細說明結婚拍攝及錄影程序 + 化妝師見面 + MC  -->月中做
15. 整水晶甲 -->月尾做
16. 買o急  ->未買
17. 同酒樓confirm酒菜 -->月中

我仲有d咩未做,如果路過既朋友仔,你地知道記住話我知呀!

我總共只係用左 $38 買左20張靚靚珍珠硬卡紙, 再用公司的color printer 印出來, 一張A4可以做6張架~ 真係好平

 亞妹送左對HELLO KITTY花車公仔給我呀, 好靚呀~多謝晒!

依家個腦不斷係度諗,究竟仲有咩未做呢~~

1. 搵歌 (席前/ 敬酒 /遊戲/ 散席)
2. 席前DVD (諗緊整唔整好)
3. 拿花車公仔出去佈置 
4. 老豆/WING買西裝, 鞋等等
5. 編Rundown+兄弟姊妹工作表+開會
6. 賓客List + sitting plan
7. 片頭 (自己整緊,但係好似整左好耐咁)
8. 過大禮 (咩都未買)
9. 派帖
10. 買濕星野
11. 做FACIAL + 睇中醫中
12. 下個月要HAIR CUT + 染髮
13. 開始諗定HONEY MOON行程
14. 預約攝影師,詳細說明結婚拍攝及錄影程序 + 化妝師見面 + MC

好..要努友開始開工啦~~

 我的新居~~維景灣畔

自從港灣層樓賣左之後, 我同男主腳個個星期六日都四出搵樓, 睇暈晒成個將軍澳區既樓, 唯一睇得上眼既只有維景灣畔呢個盤, 雖然維景係比起其他屋苑貴d, 但係男主腳同我都好似中左毒咁, 非維景唔買啦~~

 點解我地咁鐘意呢個盤呢, 因為佢係新鴻基樓有保證之餘, 近mtr, 環境又夠清淨~ 雖然佢係唔及將軍澳站及坑口站咁熱鬧, 而且仲冇咁方便買野, 但係我地都係鐘意呢度唔會樓望樓既景象~~

 今日一大清早約左有個租盤業主睇樓, 其實呢一個間格我地早係上個星期已經睇左樓上樓下單位架啦, 個間格就係我鐘意既積, 咁但係樓上樓下開個d價錢都比起呢個單位貴, 於是我地就向呢個租盤埋手啦~ 好彩個租盤到10月尾完,我地就可以係11月中去完honeymoon返來收樓啦~~好彩個業主都好好人,同我地租左個租客同埋過左來同我地上去睇樓, 雖然我地本身個價錢都仲未meet到佢最底既價錢, 但係呢個就係d agent狡猾既地方啦,呃左個owner過來,話我地會meet到佢個價錢~~

睇完之後,都覺得几好, 咁agent 就開始想tum我地簽約, 當然最重要既價錢都未講掂~~ 哈哈, 我地雙方周不時都要行開同個agent講邊個價錢先肯accept.. 講講下, meet唔到價錢的時候,個owner就話要返去同老婆商量一下, 而我地都話價錢唔啱就算啦, 大家都想借d excuse 離開~~haha.. 其實個價錢只不過係差一萬到既agent fee~其實,我都知agent有時都几難做, 佢又要就返owner個price而回返一半comm給owner, 而我地當然也有自己既立場同底線,唔想out budget架嘛~

最後當我地要去返mtr時, 我問男主腳, 其實個價錢佢覺得點, 佢居然話其實個價錢可以接受架~ 估唔到,可能佢真係好鐘意個度啦~~所以agent再問我地意見時,我叫佢俾左一個齊頭d既agent fee,希望可以再傾下! 而個時個業主咁啱又係電梯口經過, 個agent真係死好彩,咁都捉到佢返轉頭~~ 於是呢, 我地入返美聯個office又再傾過, 呢個時候, owner個口價又有變啦~~ 因為, 我都知道,佢根本個價錢係唔想賣既, 係個agent屈佢....哈哈~ 不過講真, 呢個價錢都已經係我同男主腳既底價...好彩,最後,我地都企返係自己既price, 成交左~ 呢場戰爭歷時左足足3個鐘...哈哈..真係好長既戰爭....

 層樓要到11月中先收呀, 呢排都係攪返結婚d野同埋攪mortgage 先再諗點裝修先~~

好多日冇UPDATE過BLOG啦,呢排除左睇樓之後,完完全全係冇攪過結婚野架..但係時間好似愈來愈快咁, 仲有兩個多月我就要做人老婆啦, 心情不禁緊張起來!

今日, 去左EDEN HALL 6交左 $305做結婚證書啦..之後就去左JOY'S拿左請帖..MS WONG真係好好人架, 佢俾晒300份利事封我, 雖然D利事封唔係太靚,而我舊年都係廣州買左好多利事封啦,不過都好多謝佢呢~ 我最後加印左80張,即係TOTAL有280張帖....而扣埋酒樓既COUPON,用左大約$700埋單啦~

為左保持神秘,張帖既樣,只供給知我esd 網名既朋友睇, 不便之處,敬請原諒!

password: 我esd既網名

(閱讀全文)